عراقچی کے پاکستان سمیت 12 ممالک کے وزرائے خارجہ سے رابطے

تہران ۔ 7 نومبر (ایجنسیز) ایرانی وزیرِ خارجہ عباس عراقچی نے گزشتہ 48 گھنٹوں کے دوران 12 ممالک کے وزرائے خارجہ سے ٹیلیفونک رابطے کیے۔ ایرانی خبر ایجنسی کے مطابق ان رابطوں میں علاقائی اور بین الاقوامی صورتحال سمیت امریکہ اور اسرائیل کے اشتعال انگیز اقدامات پر تبادلہ خیال کیا گیا۔ عباس عراقچی نے عمان، مصر، اردن، سعودی عرب، قطر، قبرص، ترکیہ اور کویت کے وزرائے خارجہ سے گفتگو کی جبکہ متحدہ عرب امارات، تیونس، عراق اور پاکستان کے وزرائے خارجہ سے بھی ٹیلیفونک رابطے کیے۔ ایرانی وزیرِ خارجہ نے گفتگو کے دوران بیرونی مداخلت کے بغیر علاقائی ممالک کے ذریعہ امن کے قیام کی ضرورت پر زور دیا۔