خلیج عمان میں ایران سے آنے والے تجارتی جہاز پر حملہ

بحری ناکہ بندی کی خلاف ورزی پر امریکی فوج کی کارروائیواشنگٹن۔8؍نومبر ( ایجنسیز)امریکی فوج نے خلیج عمان میں ایران کی بندرگاہ سے روانہ ہونے والے ایک تجارتی کارگو جہاز کو میزائل حملے کا نشانہ بنا کر ناکارہ بنا دیا۔امریکی حکام کے مطابق جہاز کے عملے نے متعدد مرتبہ انتباہ کیے جانے کے باوجود ایران کی بحری ناکہ بندی کی خلاف ورزی کرنے کی کوشش کی تھی۔امریکی فوجی طیارے نے جہاز کے پچھلے حصے پر انتہائی درست نشانہ لگانے والے ہتھیاروں سے حملہ کیا جس کے نتیجے میں جہاز سمندر میں سفر جاری رکھنے کے قابل نہیں رہا۔امریکی حکام کے مطابق متاثرہ جہاز کا نام ایم وی ہْدا ہے جو سینٹ کٹس اینڈ نیوس کے پرچم تلے سفر کر رہا تھا۔ جہاز ایران کی ایک بندرگاہ پر قیام کے بعد علاقائی پانیوں سے باہر نکلنے کی کوشش کر رہا تھا۔سینٹکام کا کہنا ہے کہ امریکی فوج نے جہاز کے عملے کو متعدد مرتبہ خبردار کیا اور حملے سے قبل ہدایت کی کہ وہ جہاز کے ان حصوں کو خالی کردیں جنہیں نشانہ بنایا جانا تھا۔ عملے کی جانب سے احکامات پر عمل نہ کیے جانے کے بعد امریکی فوجی طیارے نے جہاز کے پچھلے حصے کو نشانہ بنایا۔