Kondagattu: కొండగట్టు అంజన్న ఆలయంలో అరుదైన ఘట్టం.. 60 ఏళ్ల తర్వాత చందనోత్సవం.. ఈనెల నుంచి నిజరూప దర్శనం!

Kondagattu: తెలంగాణలోనే ప్రముఖ ఆధ్యాత్మిక క్షేత్రమైన జగిత్యాల జిల్లా కొండగట్టు శ్రీ ఆంజనేయస్వామి దేవస్థానంలో అత్యంత అరుదైన, పవిత్రమైన చందనోత్సవానికి ఏర్పాట్లు ముమ్మరంగా సాగుతున్నాయి. సుమారు 60 ఏళ్లకు ఒకసారి మాత్రమే నిర్వహించే ఈ విశిష్ట ఆధ్యాత్మిక క్రతువు నవంబర్ 15 నుంచి 20వ తేదీ వరకు వైభవంగా జరగనుంది. బాల్యంలో ఈ ఉత్సవాన్ని దర్శించుకున్న భక్తులకు జీవిత చరమాంకంలో మాత్రమే తిరిగి చూసే అరుదైన అవకాశం లభిస్తుందనే బలమైన విశ్వాసం వందల ఏళ్లుగా భక్తుల్లో కొనసాగుతోంది. CPS to OPS Conversion: ఏపీ CPS ఉద్యోగులకు చంద్రబాబు సర్కార్ గుడ్ న్యూస్..OPSలోకి మారేందుకు ఛాన్స్.. కీలక మార్గదర్శకాలు జారీ! నవంబర్ 20న నిజరూప దర్శనం ప్రారంభం.. 41 రోజుల పాటు దర్శన భాగ్యం: ఈ పవిత్ర ఉత్సవంలో భాగంగా స్వామివారి(Kondagattu) మూలవిరాట్‌పై ఉన్న చందనం, సింధూరాన్ని వేద మంత్రోచ్ఛారణల మధ్య సంప్రదాయబద్ధంగా తొలగించి ప్రత్యేక పూజలు నిర్వహిస్తారు. ఆలయ ఈవో అంజనారెడ్డి, ప్రధాన అర్చకులు డాక్టర్ జితేందర్ శర్మ తెలిపిన వివరాల ప్రకారం, నవంబర్ 20వ తేదీ ఉదయం 9.59 గంటలకు స్వామివారి మూలవిరాట్ నిజరూప దర్శనం ప్రారంభమవుతుంది. ఆ తర్వాత సుదీర్ఘంగా 41 రోజుల పాటు భక్తులకు స్వామివారి అసలు రూపాన్ని దర్శించుకునే అద్భుత అవకాశం అందుబాటులో ఉండనుంది. భక్తుల కోసం ప్రత్యేక ఏర్పాట్లు.. భారీగా తరలిరానున్న భక్తజనం: దాదాపు ఆరు దశాబ్దాల తర్వాత జరుగుతున్న ఈ అరుదైన ఆధ్యాత్మిక ఘట్టాన్ని తిలకించేందుకు తెలంగాణ నలుమూలల నుంచే కాకుండా పొరుగు రాష్ట్రాల నుంచి వేలాది మంది భక్తులు తరలివచ్చే అవకాశం ఉంది. భక్తులకు ఎలాంటి తీవ్ర ఇబ్బందులు తలెత్తకుండా దర్శన క్యూలైన్లు, తాగునీరు, రవాణా, ఇతర మౌలిక సదుపాయాలతో పాటు కట్టుదిట్టమైన భద్రతా ఏర్పాట్లపై ఆలయ అధికారులు, స్థానిక పోలీసులు ప్రత్యేక దృష్టి సారించారు.